[Li vísitas guidadi de Nissa en nissart] - Edicion especiala Naoko Sano

06 juillet 2018 - 169 vues
Du 09 juillet 2018 à 11h00
au 13 juillet 2018 à 12h00
Ràdio Nissa Pantai

A partir dau diluns 9 de julhet que ven, Ràdio Nissa Pantai tornerà difusar lo registrament de la 49a vísita guidada de Nissa en nissart, que si debanèt lo 14 de març dau 2010.

Aqueu jorn, Cristòu DAURORE auguèt l'onor de reçaupre Naoko Sano, professoressa d'occitan a l'universitat de Nagoya, que venguèt a Nissa emb tres escolanas sieui, e li faguèt una vísita complèta de la vila que durèt cinc lòngui oras !

Es aquesta vísita que Ràdio Nissa Pantai tornerà difusar, en cinc partidas d'una ora, mentre de tota la setmana que ven, dau 9 au 13 de julhet (una part per jorn, cada matin d'11 oras a miegjorn). La seria passerà tornamai sus la ràdio mentre de la setmana dau 16 au 20 de julhet.

L'emission "Li vísitas guidadi de Nissa en nissart" registra en diferat toti li vísitas guidadi de Nissa organizadi per l'associacion Nissa Pantai, e que mèna brilhantament Cristòu DAURORE despí de julhet dau 2005. Lo 23 de junh passat, n'eravam a la 112a edicion.

Naoko Sano (photo MN https://www.aquodaqui.info/photo/art/default/5659162-8440314.jpg?v=1372694333)

Naoko Sano (photo NM)

Commentaires(0)

Connectez-vous pour commenter cet article