Zine

662 vues
Surnom Zine
Prénom Laurença PENZINI
Date de naissance 16/01/1979
Pays Occitana
Genre Frema
Activité Cantairitz
Instruments Votz, Guitarra, Jorgina
Années actives 1999
Site officiel zine.fr
Facebook https://www.facebook.com/Zinetrobairitz/

Zine es una autora, compositora e cantairitz occitana de Nissa. Naissuda a Tànger (Marròc) en lo 1979 d'un paire còrse e d'una maire originària dei Valadas Occitani d'en Piemont, arriba en Occitània (Droma) a l'atge de 5 ans. Li sieus promieri influéncias musicali li venon dei sieus parents e dau regent de la sieu escòla, un american qu'acabava li jornadas d'escòla en cantant emb la guitarra.

Comença de compauar ai 19 ans, pi passa 2 ans a viatjar entre Occitània, Polonha, Soïssa e l'Ísola de la Reünion. Si constituisse ensin una cultura musicala alargada, que li influéncias si retròban tra li sieus promieri creacions. Participa tanben a de festenaus e de competicions: festenau polonés dei bardas (autors, compausitors, interprètas) en lo 2008, Liet Internacional dei cançons en lengas minoritàrii de Ljouwert dont representa Occitània en lo 2009.

A partir dau 2002, comença una seria d'albums: "Et la joie passera en funambule...sur le fil de la folie douce" (Autoproduction, 2002), "Cherche" (Palhassina Productions, 2004), "Mon coiffeur" (Gallomusic, 2005), "Folie Douce" (La Candela-Seyrat, 2013). Aqueu darrier album pareisse emb l'ajuda dau Conseu Regional de PACA e es laudat per la critica.

Emb l'ajuda de Reinat Pèire ANFOSSO dich "La sciéncia", adapta en nissart un fum de cançons conoissudi (Imagine de John Lennon ven Pantaia un pauc, Redemption song de Bob Marley ven Cançon per curar, eca.). Lo sieu espectacle "Salade niçoise" (Ensalada nissarda) utiliza aqueli creacions. Collabora emb d'autres autors coma Tarik LAMIRAT, Reinat TOSCANO e Etel ADNAN.

Lo 5 d’aost dau 2016, participa a l’"Acampada blanca" en omatge ai 86 victimas de l’atemptat dau 14 de julhet en cantant Pantaia un pauc e Nissa la bèla. A la fin dau 2016, participa a una cançon en solidaritat emb l'accion de mond de la Val de Ròia per lu migrants. En març dau 2017, crea Lu baudos de l’OGIM, una adaptacion de la cançon de Jacques Dutronc J’aime les filles emb un clip vidèo sus dei jugaires de l’OGC Nissa.

Commentaires(0)

Connectez-vous pour commenter cet article