La Ràdio

15 janvier 2018 - 1944 vues

A prepaus de Ràdio Nissa Pan

Ràdio Nissa Pantai, te'n dona sempre de mai !i

Es sota d'aquel eslogan que vira sus d'Internet la ràdio associativa Nissa Pantai, creada en lo 2008 e inaugurada a l'escadença de l'11a Fèsta d'Occitània, organizada dau Centre Cultural Occitan País Nissart e Alpenc au teatre Francís Gag.

Aquest an 2018, Ràdio Nissa Pantai festeja lu sieus 10 ans d’existéncia !

Ràdio Nissa Pantai es una oebràdio que difusa 24 oras sus 24 e 7 jorns sus 7 de musica e d'emissions divèrsi toti a 100% en occitan nissart e alpenc. Prepaua actualament 11 emissions ràdio que podètz descurbir aquí e escotar en podcasts

- Caire Politic (emission politica)

- Descubèrta musicala (presentacion de grops musicals occitans)

- FotPantai (emission esportiva sus l'OGC Nissa)

- La vida en la Contea (emission de vida culturala)

- Li belugas de Cristòu (entrevistas divèrsi de personalitats locali)

- Li vísitas guidadi de Nissa en nissart (patrimòni e istòria)

- Nissa la poética (minuta leterària e poetica)

- Teatralament Nissa (redifusion de pèças de teatres en nissart) 

- Un pantais de concèrts (redifusion de concèrts de grops occitans)

- Vision dal Mond (entrevistas divèrsi sus de subjèctes culturals e politics)

 

L'emission mai celèbra de Ràdio Nissa Pantai es ben lo FotPantai que fa lu comentaris en dirècte e en nissart de toi lu rescòntres de l'OGC Nissa a maion e a Mónegue.

Dementre, Ràdio Nissa Pantai entreten mantu partenariats emb Ràdio Lenga d’Òc, Nissa Actu e Cultura Viva Television, dont difusa d'emissions.

RÀDIO NISSA PANTAI, per que lo voastre pantais vengue realitat !

Commentaires(0)

Connectez-vous pour commenter cet article