Caire politic - 06/05/2019 - Entrevista d'Alan SIBÉ

14 mai 2019 - 785 vues
Télécharger le podcast

Entrevista d’Alan SIBÉ realizada da Ciril JOANIN mentre dei Jornadas Internacionalisti d’Occitània a Tolosa en l’encastre de l’emission Caire Politic.

Alan SIBÉ es un militant occitanista de Bigòrre (Gasconha) autor dau famós libre « Occitanisme politic, rompeduras ». Lo sieu obratge a per ambicion de far evolucionar li mentalitats sus dau subjècte, en tornant durbir lo debat e menant lu militants occitanistas a si pauar li boani questions sus « l’abséncia d’un occitanisme foart ». Alan SIBÉ fustiga la tendéncia dei militants occitanistas a non pas suportar la critica e lu bilanç e la sieu impossibilitat de si tornar metre en question. Ven de publicar aquest an un tòme 2 dau sieu libre.

Ràdio Nissa Pantai èra presenta ai Jornadas Internacionalistas d’Occitània, que si debanèron a Tolosa dau 8 au 10 de març dau 2019. Organizadi da l’Organizacion Democratica del Pòble Occitan (ODPO), aquesti jornadas avian per objècte de far si rescontrar de personas e de movements que vòlon far avançar la causa occitana dins la societat. Mantu debats e tauliers redonds siguèron organizats, especialament au subjècte dei gilècos jaunes, dau feminisme e de la crisi de l’occitanisme.

An aquesta escadença, Ràdio Nissa Pantai entrevistèt successivament, en l’encastre de l’emission « Caire Politic »: Mirèlha BÒIA, Alan SIBÉ (autor dau libre « Occitanisme politic, rompeduras ») e Bòris DAUSSAT (militant de l’ODPO e un dei organizators d’aqueli jornadas).

Commentaires(0)

Connectez-vous pour commenter cet article