Caire politic - 13/05/2019 - Entrevista de Bòris DAUSSAT

17 juin 2019 - 965 vues
Télécharger le podcast

Entrevista de Bòris DAUSSAT realizada da Ciril JOANIN mentre dei Jornadas Internacionalisti d’Occitània a Tolosa en l’encastre de l’emission « Caire Politic« .

Bòris DAUSSAT es un militant occitan de Pau, membre de l’Organizacion Democratica dau Pòble Occitan (ODPO), un movement independentista que s’es creat lo 1r de mai dau 2018 e qu’afortisse que « lu occitans son pas una minoritat nacionala mas una nacion sensa estat ». L’ODPO definisse l’independéncia non pas coma una tòca mas un mejan, e ambiciona de despassar qualitativament l’occitanisme « eissut de la Segonda Guèrra Mondiala » e que s’es sosmés « a la senèca francesa nacionalista ». Conscient de la situacion de crisi de l’occitanisme, l’ODPO entende assumir un projècte de rompedura en passant per l’afirmacion de « sobeiranetat populara e nacionala », per un estat « au servici de la classa obriera e dei classas dominadi, […] dau socialisme e de la renacionalizacion d’Occitània ».

Ràdio Nissa Pantai èra presenta ai Jornadas Internacionalistas d’Occitània, que si debanèron a Tolosa dau 8 au 10 de març dau 2019. Organizadi da l’ODPO, aquesti jornadas avian per objècte de far si rescontrar de personas e de movements que vòlon far avançar la causa occitana dins la societat. Mantu debats e tauliers redonds siguèron organizats, especialament au subjècte dei gilècos jaunes, dau feminisme e de la crisi de l’occitanisme.

An aquesta escadença, Ràdio Nissa Pantai entrevistèt successivament, en l’encastre de l’emission « Caire Politic »: Mirèlha BÒIA, Alan SIBÉ (autor dau libre « Occitanisme politic, rompeduras ») e Bòris DAUSSAT (militant de l’ODPO e un dei organizators d’aqueli jornadas).

Commentaires(0)

Connectez-vous pour commenter cet article